Frivilligheita sitt år

Året 2022 markerer frivilligheita sitt år. Heile året skal vi feire frivilligheita og engasjere endå fleire. Alle lag, foreiningar, frivilligheitssentralar, kommunar og andre vert invitert til å vise fram den fantastiske frivilligheita i Noreg. Det vert markeringar og arrangement over heile landet gjennom heile året, og her skal vi bidra! Fjordane Friluftsråd har til dømes mange eldsjeler og engasjerte i arbeidet mot marin forsøpling.

Gjennom prosjekta våre Rydd Sogn og Fjordane og Skuleturné for havet har 1600 frivillige bidrege til å fjerne nærare 50 tonn avfall i 2021-2022. Dette vil vi fortsetje å engasjere til, men vi vil også utvide horisonten vår for å auke deltaking og mangfald.

#Samanpåtur er eitt av signalarrangementa i 2022. Å vere saman med andre på tur er ein god måte å vere sosial og aktiv på. I år vil vi bidra til å skape årets finaste og viktigaste aktivitetar. Saman kan vi få vi til meir og inkludere endå fleire. #Samanpåtur inviterer heile Noreg til å sørge for at endå fleire har nokon å vere ute med. Gjennom året vert lokale lag, organisasjonar, frisklivs- og frivilligsentralar, fylkeskommunar og andre oppfordra til å gå saman om å få med seg alle på tur i 2022.

Ein kan gå inn på frivillighetensar.no og finne arrangement i regi av organisasjonar og lag, men det vil vere like viktig å få med seg ein venn, nabo eller kollega. Dette kan vere fottur, padletur, hovudlykttur, sopptur, båttur eller berre ein tur til postkassa.

Det er det å vere saman med nokon som tel.