LAURDAG 11. JUNI
Det er på høg tid at Norges vestlegaste by får sin eigen Passion for Ocean-festival, slår Thea Båtevik fast. Ho er til dagleg fagleg leiar for marin forsøpling i Fjordane Friluftsråd, men har tidlegare vore delaktig i fleire Passion for Ocean-festivalar. I 2019 var Thea assisterande festivalsjef i Bergen. No vil ho arrangere festivalen i Florø, gjennom jobben sin i frilufttsrådet.
Festivalen går over ein dag – laurdag 11. juni – og er fullspekka med aktivitetar og læring for store og små.
Passion for Ocean er ein hyllest til havet!
Bryggekanten blir fyllt opp av ulike aktørar som anten vil lære vekk viktig kunnskap om livet i havet – eller som vil stå for kjekke aktivitetar knytta til havet. Thea fortel at det kan vere alt frå akvarium, der ein kan sjå og ta på sjødyr og andre ting som rører seg under havflata. Det kan blir tur med Eliasbåten, sjøfartshistorie, ein vanvittig god konsert og noko så spennande som disseksjon av eit sjøpattedyr.
Havbyen Florø har mykje kjekt i vente – og Fjordane Friluftsråd er glade for å ha fått Byen Vår Florø med på laget. Det er viktig å ha med nokon som kjenner byen godt.
Passion for Ocean-festivalen handlar om å feire havet og alt det betyr for oss.
Ved å vise folk kva som lever i havet og introdusere folk for aktivitetar ein kan drive med, både på og i havet vil folk få ei sterkare tilknytning til det.
Ein vil jo ta vare på det ein er glad i, smiler Thea. Dette trur vi vil bygge opp folk sin indre motivasjon til å ta vare på havet og kysten vår.
For Fjordane Friluftsråd vil dette vere eit av fleire førebyggande tiltak i arbeidet med marin forsøpling. Festivalen blir gjennomført med støtte frå Handelens Miljøfond og Miljødirektoratet sine midlar til tiltak mot marin forsøpling.
Har du innspel – eller vil du vere med som frivillig 11. juni – ta kontakt:
SØKNADSFRIST 24. FEBRUAR
Fjordane Friluftsråd lyser ut motivasjonsmidlar til tiltak mot marin forsøpling. Her inviterer vi lag/organisasjonar, bedriftar og skular til å søkje om midlar til tiltak som kan vere med å bekjempe forsøpling i naturen. Midlane kan brukast til å dekke kostnadar knytt til ryddeaksjonar eller førebyggande tiltak.
Delar av midlane kan òg gå til premiering/inntekt til til dømes ein innsamlingsaksjon til skuletur etc.
Vi delar ut midlar til tiltak i medlemskommunene våre og tilgrensande kommuner; Solund, Askvoll, Kinn, Bremanger, Stad, Stryn, Gulen, Høyanger, Hyllestad, Fjaler, Sunnfjord og Gloppen.
Desse kan IKKJE søke:
• Offentlige organer (f.eks. kommunar).
• Privatpersoner og enkeltpersonforetak.
NB: Privatpersonar som har kostnader knytt til strandryddeaksjonar kan ta kontakt med Fjordane Friluftsråd, eller søke refusjon hos Hold Norge Rent
Som t.d.:
Motivasjonsmidlar kan IKKJE brukast til:
FRIST 24. FEBRUAR 2022
Vil du ha besøk på din skule? Skuleturné for havet