Med M/S ARLENE skal Fjordane Friluftsråd i hovudsak drive med renovasjon, vedlikehald og skjøtsel av offentlege friluftsområde langs kysten. I tillegg vil vi også ta på oss transportoppdrag for både offentlege og private.
Skjergardstenesten er eit spleiselag mellom staten ved Miljødirektoratet, Vestland fylkeskommune og medlemskommunane.
Med båten M/S Arlene vil vi gjere ein innsats for reiselivet – med tilsyn og vedlikehald av friluftsområde på stader med vanskeleg tilkomst.
Vestkystparken er ein fellesorganisasjon for Skjergardstenestene i Rogaland og Vestland, frå Åna-Sira til Stad. Det handlar om drift og tilrettelegging av friluftsområde ved sjøen. Gjennom eit samarbeid mellom SNO, fylkeskommunane og friluftsråda driftar ein ei lang rekke friluftsområde.
Skjergardstenesten har ei sentral rolle i kampen mot marin forsøpling.
Informasjon og haldningsskapande arbeid om bruken av skjergarden, fell også under Skjergardstenesten sine oppgåver. Her i fylket vil ein samarbeide med Statens Naturoppsyn (SNO) om oppsynsoppgåver i naturvernområde og fiskerioppsyn.
