StikkUT_sommer facebook_bakgrunn_2024[10]

Stikk UT! – Heile Norge på tur

Den 1. mai går startskotet for Stikk UT! i Stryn, Stad og Kinn kommune. Då vil det vere mogleg å bli med på landets største turtrim, og registrere turar i Stikk UT!-appen.

Stikk UT! er ein felles turtrim for medlemskommunane i friluftsrådet. Turtrimmen samlar eit utval av flotte turar i kvar kommune. Turmåla er varierte, med turar frå fjell til fjøre, bratte og flate, lange og korte.

Turtrimmen har eksistert i nokre år i Møre og Romsdal, og har vorte svært populær med kring 1 million registrerte turar i året. No skal Stikk UT! utvidast til fjordane friluftsråd og ei rekke andre friluftsråd i landet.

Klar, ferdig Stikk UT!

Det er enkelt å bli med på Stikk UT! Alt du treng å gjere er å laste ned appen, opprette ein brukar og registrere turane dine. Det er heilt gratis å vere med.

Last ned Stikk UT! appen frå App Store eller Google Play.
Lag ein brukar, og bruk kartet for å finne ein passande tur i nærleiken. Turane har kart, bilete, gps-spor og gode skildringar slik at det er enkelt å finne fram.
Kvart Stikk UT!- turmål har ei postkasse eller kodeplate, der ein finn ein eigen kode (to bokstavar og to tal). Denne koden registrerer du i appen.